Xalq deputatlari tuman Kengashi deputati X.Turdiyev tomonidan o‘z saylov okrugi hududida faoliyat yuritayotgan oilaviy nodavlat maktabgacha ta’lim tashkiloti faoliyati o‘rganildi.

O‘rganish davomida muassasada bolalar uchun yaratilgan shart-sharoitlar, ta’lim-tarbiya jarayonining tashkil etilishi, sanitariya-gigiyena talablari, oziqlantirish sifati hamda xavfsizlik masalalari ko‘zdan kechirildi.

Shuningdek, tashkilot rahbariyati bilan muloqot o‘tkazilib, mavjud muammolar va ularni bartaraf etish yuzasidan fikr almashildi.

Faoliyat samaradorligini oshirish, ta’lim sifatini yanada yaxshilash hamda bolalar uchun qulay va xavfsiz muhit yaratish bo‘yicha tegishli tavsiyalar berildi.

Deputatlik nazorati doirasida olib borilayotgan bunday o‘rganishlar maktabgacha ta’lim xizmatlari sifatini oshirish va yosh avlodning har tomonlama barkamol voyaga yetishiga xizmat qiladi.