O‘zbekiston Respublikasining “Aholi bandligi to‘g‘risida”gi O‘RQ–642-son Qonuni talablaridan kelib chiqib, Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan aholi bandligini ta’minlash sohasida amalga oshirilayotgan ishlar o‘rganildi.

Mazkur o‘rganish doirasida doimiy komissiya raisi Nazirov Madaminjon Ma’rufjon o‘g‘li hamda komissiya a’zosi Xidiyatulina Rima Rashitovna tomonidan tumanda aholini doimiy ish bilan ta’minlash, ishsizlik darajasini kamaytirish, ayniqsa, yoshlar, xotin-qizlar va ijtimoiy himoyaga muhtoj fuqarolar bandligini ta’minlash yuzasidan olib borilayotgan ishlar atroflicha tahlil qilindi.

Shuningdek, Bandlikka ko‘maklashish markazi va boshqa mas’ul tashkilotlar tomonidan amalga oshirilayotgan dasturlar ijrosi, fuqarolarni kasb-hunarga o‘qitish, tadbirkorlik faoliyatini yo‘lga qo‘yishga ko‘maklashish va boshqa bandlik dasturlarining samaradorligi ham o‘rganildi.