O‘zbekiston Respublikasining "Oziq-ovqat xavfsizligi to‘g‘risida"gi Qonuni (O‘RQ-1023-son) talablaridan kelib chiqib, hamda Kengash rejasiga asosan Xalq deputatlari Chilonzor tuman Kengashi deputati Tadjiyeva Muhabbat Haydaraliyevna tomonidan tumandagi bozorlarda oziq-ovqat mahsulotlari bilan bog‘liq holat o‘rganildi.

O‘rganish jarayonida aholi iste’moli uchun eng zarur bo‘lgan oziq-ovqat mahsulotlarining narx-navosi, ularning yetarliligi, savdo rastalaridagi mavjudligi hamda aholining sifatli va xavfsiz mahsulotlar bilan ta’minlanish holatiga alohida e’tibor qaratildi.

Shuningdek, bozorlarda oziq-ovqat mahsulotlari narxlarining barqarorligini ta’minlash, sun’iy narx oshishining oldini olish hamda iste’molchilar manfaatlarini himoya qilish masalalari yuzasidan monitoring olib borildi.

Mazkur yo‘nalishdagi o‘rganish va jamoatchilik nazorati ishlari bundan buyon ham tizimli ravishda davom ettiriladi.