Xalq deputatlari Nurobod tumani Kengashi deputati A.Hakimov tomonidan tumandagi 15-Oqsoy saylov okrugida joylashgan Oilaviy poliklinikada o‘rganish ishlari olib borildi.

O‘rganish davomida tibbiyot muassasasida aholiga ko‘rsatilayotgan birlamchi tibbiy xizmatlar sifati, bemorlar uchun yaratilgan shart-sharoitlar hamda muassasaning infratuzilma holati atroflicha ko‘zdan kechirildi.

O‘rganish jarayonida mazkur oilaviy poliklinikada ichimlik suvi ta'minoti bilan bog‘liq muammo mavjudligi aniqlandi. Ushbu holat tibbiyot muassasasining samarali faoliyati va aholiga sifatli tibbiy xizmat ko‘rsatishda muhim ahamiyat kasb etishi ta'kidlandi.

Aniqlangan muammoni qisqa muddatlarda bartaraf etish maqsadida tegishli mutasaddi tashkilotlar bilan hamkorlikda zarur choralarni ko‘rish bo‘yicha kelishuvga erishildi. Mas'ul tashkilotlarga ichimlik suvi ta'minotini yaxshilash va muammoni amaliy hal etish yuzasidan tegishli tavsiyalar berildi.

Xalq deputatlari Nurobod tumani Kengashi deputatlari tomonidan saylov okruglaridagi ijtimoiy soha obyektlarida mavjud muammolarni joyida o‘rganish, ularni bartaraf etish va aholiga ko‘rsatilayotgan xizmatlar sifatini yanada yaxshilash yuzasidan deputatlik nazorati izchil davom ettirilmoqda.