Xalq deputatlari Bo‘ston tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi o‘tkazildi.

Yig‘ilishda Bo‘ston tumani hududida maishiy chiqindilarni to‘plash va olib chiqib ketish xizmatlari uchun majburiy to‘lov tariflari miqdori yuzasidan tuman Obodonlashtirish boshqarmasi tomonidan kiritilgan takliflar atroflicha muhokama qilindi.

Muhokamalar yakunida mazkur masalani amaldagi qonunchilik talablari asosida xalq deputatlari Bo‘ston tumani Kengashining navbatdagi sessiyasi kun tartibiga kiritish maqsadga muvofiq, deb topildi.

Doimiy komissiya tomonidan taklif etilgan masala yuzasidan tegishli qaror loyihasi belgilangan tartibda sessiya muhokamasiga kiritiladi.