Xalq deputatlari Nurobod tumani Kengashi deputati S.Suyarov tumandagi 10-Nurbuloq saylov okrugida navbatdagi o‘rganish ishlarini olib bordi.

Mazkur o‘rganish davomida O‘zbekiston Respublikasi Prezidentining **2025-yil 27-dekabrdagi PQ–393-sonli "2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida"**gi qarori ijrosi doirasida mahalla hududida amalga oshirilayotgan qurilish ishlari holati atroflicha ko‘zdan kechirildi.

Xususan, hududda barpo etilayotgan ijtimoiy va muhandislik infratuzilmasi obyektlarida olib borilayotgan qurilish-montaj ishlari, ularning belgilangan loyiha va muddatlarga muvofiq amalga oshirilishi, bajarilayotgan ishlarning sifati hamda qurilish jarayonining tashkiliy holati o‘rganildi.

Shuningdek, qurilish obyektlarida mavjud holat tahlil qilinib, aniqlangan ayrim masalalar yuzasidan mutasaddilarga tegishli tavsiya va takliflar bildirildi. Deputat tomonidan qurilish ishlarini o‘z vaqtida va sifatli yakunlash, ajratilgan mablag‘lardan maqsadli va samarali foydalanish hamda obyektlarni belgilangan muddatlarda foydalanishga topshirish yuzasidan zarur ko‘rsatmalar berildi.