Bozataw rayonı “Bozataw” PPJ aymaǵında jaylasqan 1-sanlı ulıwma orta bilim beriw mektebinde Xalıq deputatları Bozataw rayonıq Keńesi 2-sanlı «Erik baǵ» saylaw okruginen deputat, rayonı hákimi B.Ubbiniyazov, aymaqta jasawshı puqaralardıń múrájatların úyreniw hám olarǵa unamlı sheshim tabıw maqsetinde náwbettegi kóshpeli qabıllaw ótkerildi.

Bolıp ótken qabıllawǵa tiyisli taraw wákilleri, máhálle jetiligi, hám rayon turǵınları qatnastı. Qabıllaw dawamında puqaralar tárepinen bántlik, ishimlik suw, kadastr, medicinalıq járdem kórsetiw, tamarqa jerlerin suwǵarıw ushın aqaba suw máselesi hámde basqada turmıslıq mashqalalarǵa baylanıslı bolǵan múrájatlar kelip tústi.

Bunda puqaralar tárepinen bildirilgen bir qatar múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlardıń unamlı sheshim tabıwı ushın juwapkerlerge anıq tapsırmalar berildi.