Xalq deputatlari Toyloq tumani Kengashiga 16-O‘zbekiston saylov okrugidan saylangan deputat V.Qurbonova tomonidan hududdagi savdo va tadbirkorlik subyektlari faoliyati o‘rganildi.

O‘rganishlar davomida bozorlarda faoliyat yuritayotgan tadbirkorlar, savdo rastalari hamda xizmat ko‘rsatish shoxobchalarida yaratilgan sharoitlar, mahsulotlar sifati, narx-navoning barqarorligi hamda tadbirkorlarning qonuniy manfaatlarini ta’minlash masalalariga alohida e’tibor qaratildi.

Shuningdek, “Tadbirkorlik faoliyati erkinligining kafolatlari to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida”gi O‘RQ–328-sonli Qonun ijrosi yuzasidan amalga oshirilayotgan ishlar holati ham atroflicha tahlil qilindi. Mazkur qonun tadbirkorlik subyektlarining huquq va manfaatlarini himoya qilish, ularning erkin faoliyat yuritishi uchun qulay shart-sharoitlar yaratishga xizmat qiladi.

Deputat tomonidan tadbirkorlar bilan muloqot qilinib, ularni qiynab kelayotgan ayrim masalalar, savdo jarayonidagi mavjud muammolar va takliflar tinglandi. Aniqlangan kamchiliklarni bartaraf etish hamda aholiga sifatli xizmat ko‘rsatishni yanada yaxshilash bo‘yicha tegishli tavsiyalar berildi.

📌 Hududlarda tadbirkorlikni qo‘llab-quvvatlash, qonun ijrosini ta’minlash va aholi uchun qulay savdo muhitini yaratish borasidagi o‘rganishlar davom etmoqda.

#96_qonun_ijrosi


✅Bizni kuzatib boring: 👇
|📲 Telegram | 💻Facebook