Xalq deputatlari Oqoltin tumani Kengashi kotibiyati mudiri N.Turdiyev va tuman Kengash deputati D.Egamqulovalar tomonidan tuman Kengashi sessiyasi kun tartibiga kiritilgan masala yuzasidan A.Navoiy mahallasi yoshlar yetakchisining faoliyati o‘rganildi.

O‘rganish davomida mahallada 30 yoshgacha bo‘lgan 737 nafar yoshlar istiqomat qilishi, shundan 25 nafari ishsiz yoshlar sifatida ro‘yxatga olinib, ularning bandligini ta’minlash maqsadida mas’ul rahbarlarga biriktirilganligi ma’lum bo‘ldi. Shuningdek, mahalladagi yoshlarning “Besh tashabbus” doirasidagi tadbirlarda faol ishtiroki yo‘lga qo‘yilganligi qayd etildi.

Bundan tashqari, “Yoshlar daftari”ga 3 nafar yosh kiritilgan bo‘lib, ulardan 1 nafariga amaliy yordam ko‘rsatilganligi aniqlandi. O‘rganish yakunida yoshlar bilan ishlash samaradorligini yanada oshirish, ularning bandligini ta’minlash hamda muammolarini hal etish yuzasidan tegishli tavsiyalar berildi.

Xalq deputatlari Oqoltin tumani Kengashi kotibiyati.