Aholining dori-darmon bilan ta’minlanishi o‘rganildi

Xalq deputatlari Termiz tuman Kengashi kotibiyati mudiri A. Avliyakulov 7-Qahramon saylov okrugi deputati S. Xakimov bilan birgalikda hududdagi 71-son oilaviy poliklinikada bo‘lib, aholiga bepul beriladigan dori vositalari bilan ta’minlash holatini o‘rgandi.

Tashrif davomida imtiyozli toifadagi fuqarolarni bepul dori-darmonlar bilan ta’minlash jarayoni, mavjud zaxiralar hamda dori vositalarining o‘z vaqtida yetkazib berilishi masalalari ko‘rib chiqildi.

Mas’ullar tomonidan aholiga sifatli tibbiy xizmat ko‘rsatish, bepul dori vositalarining uzluksiz ta’minlanishini yo‘lga qo‘yish hamda mavjud muammolarni bartaraf etish yuzasidan tegishli tavsiyalar berildi. Aholi salomatligini muhofaza qilish va tibbiy xizmatlar sifatini oshirish ustuvor vazifalardan biri ekani alohida ta’kidlandi.