Sessiyada Xalq deputatlari tuman Kengashi raisi, hokim o'rinbosarlari, tashkilot rahbarlari, ekspert va yoshlar maslahat guruhi a'zolari hamda OAV vakillari ishtirok etishdi.

Sessiya kun tartibiga ko'ra yoshlarning yozgi ta’tilini mazmunli tashkil etishga qaratilgan “Dolzarb 90 kun” tadbirlari, ichki yo‘llarni saqlash va joriy ta’mirlash ishlari bo‘yicha manzilli ro‘yxatni tasdiqlash, “Mening bog‘im” yashil bog‘ loyihasini tashkil etish, tuman budjetining qo‘shimcha manbalari hamda infratuzilma va ijtimoiy barqarorlik jamg‘armasi mablag‘larini yo‘naltirish masalalari muhokama qilindi.

Shuningdek, tumanda sog‘lom turmush tarzini ommalashtirish, jismoniy tarbiya va sportni rivojlantirish bo‘yicha amalga oshirilayotgan ishlar holati hamda Kengashning doimiy komissiyalari shaxsiy tarkibiga o‘zgartirish kiritish masalalari ko‘rib chiqildi.