Xalq deputatlari Qo‘qon shahar Kengashining 2026-yil 28-martdagi VII-19-28-11-166-K/26-sonli qarori ijrosini ta’minlash maqsadida navbatdagi monitoring tadbiri tashkil etildi.

O‘rganishda Kengash kotibiyati mudiri A.Nosirov, kotibiyat bosh mutaxassisi A.Adxamov hamda “Mahalliy byudjet, tadbirkorlikni rivojlantirish va iqtisodiy islohotlar bo‘yicha” doimiy komissiyasi a’zolari ishtirok etdilar.

Monitoring davomida Tug‘onboshi MFY, O.Dodxox ko‘chasi 25a-uyda istiqomat qiluvchi D.Uraimova xonadonida olib borilayotgan ta’mirlash ishlari bilan tanishildi.

“Inson” ijtimoiy xizmatlar markazi direktor o‘rinbosari I.Karimov tomonidan mazkur loyiha bo‘yicha tegishli hujjatlar va amalga oshirilayotgan ishlar yuzasidan ma’lumotlar taqdim etildi.

O‘rganish jarayonida qurilish-ta’mirlash ishlarining borishi, foydalanilayotgan materiallar sifati, ishlarning belgilangan jadval asosida olib borilishi hamda obyektni o‘z vaqtida foydalanishga topshirish masalalariga alohida e’tibor qaratildi.

Yakunda mutasaddilarga ishlar sifatini yuqori darajada ta’minlash va qurilish jarayonini belgilangan muddatlarda yakunlash bo‘yicha tegishli tavsiyalar berildi.

Xalq deputatlari Qo‘qon shahar Kengashi tomonidan qarorlar ijrosi ustidan deputatlik nazorati izchil davom ettirilmoqda.

Xalq deputatlari Qo‘qon shahar Kengashi