Xalq deputatlari Qo‘qon shahar Kengashi deputatlarining saylovchilar bilan 2026-yil iyun oyida o‘tkaziladigan uchrashuvlari jadvali tasdiqlandi.

O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuniga muvofiq deputatlar o‘z saylov okruglarida fuqarolar bilan bevosita uchrashib, ularning murojaat va takliflarini tinglaydilar.

Mazkur uchrashuvlardan ko‘zlangan asosiy maqsadlar:
Aholi bilan ochiq va samimiy muloqotni yo‘lga qo‘yish;
Hududlardagi mavjud muammo va kamchiliklarni joyida o‘rganish;
Murojaatlarni mas’ul tashkilotlar bilan hamkorlikda hal etish;
Deputatlik nazoratini kuchaytirish va fuqarolar manfaatlarini himoya qilish.

Uchrashuvlar davomida fuqarolar o‘zlarini qiynayotgan masalalar, taklif va tashabbuslari bilan bevosita deputatlarga murojaat qilish imkoniyatiga ega bo‘ladilar.

Hurmatli fuqarolar!

Sizni belgilangan jadval asosida o‘tkaziladigan uchrashuvlarda faol ishtirok etishga, hududingizdagi dolzarb masalalar va takliflaringizni deputatlarga yetkazishga chorlaymiz.

Murojaatlar uchun telefon: +998 73 542 34 66

Xalq deputatlari Qo‘qon shahar Kengashi