#Doimiy_komissiya_faoliyati
#Kotibiyat_mudiri_faoliyati

Xalq deputatlari Payariq tumani Kengashi kotibiyati mudiri J.Axunovning kunlik ish rejasiga asosan korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiya raisi S.Maxkamov bilan birgalikda Farovon mahallasida profilaktika inspektori faoliyati o‘rganildi.

O‘rganish davomida mahallada huquqbuzarliklar profilaktikasi, jamoat xavfsizligini ta’minlash hamda fuqarolar murojaatlari bilan ishlash holati tahlil qilindi. Ma’lum bo‘lishicha, 2026-yilning o‘tgan davri davomida mahalla hududida 7 ta jinoyat sodir etilgan bo‘lib, shundan 1 tasi firibgarlik jinoyatini tashkil etadi. Shuningdek, 10 ta notinch oila profilaktik nazorat ro‘yxatiga olingan.

Mahallada xavfsizlik infratuzilmasini mustahkamlash maqsadida “Qalqon” platformasiga 4 ta kuzatuv kamerasi ulangan, ko‘cha boshlarida va savdo shoxobchalari oldida qo‘shimcha 19 ta videokuzatuv kamerasi o‘rnatilgan.

O‘rganish yakunida mavjud muammolarni bartaraf etish, jinoyatchilikning oldini olish hamda murojaatlar bilan ishlash samaradorligini yanada oshirish yuzasidan tegishli tavsiyalar berildi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|