Bo‘stonliq tumanida yoshlar, nuroniylar va faol jamoatchilik vakillarini bir maqsad atrofida birlashtirgan “Uch avlod uchrashuvi” tadbiri yuqori saviyada tashkil etildi. Mazkur tadbirda tuman hokimligi mutasaddilari, tuman Kengashi deputatlari, mehnat faxriylari, mahalla faollari, yoshlar hamda keng jamoatchilik vakillari ishtirok etdilar.

🔵Tadbirdan ko‘zlangan asosiy maqsad – katta avlodning hayotiy tajribasini yoshlarga yetkazish, avlodlar o‘rtasidagi vorisiylik an’analarini mustahkamlash, yoshlarni vatanparvarlik, milliy qadriyatlarga hurmat va insoniy fazilatlar ruhida tarbiyalashdan iborat bo‘ldi.

🔵Uchrashuv davomida so‘zga chiqqan tuman Kengashi raisi O.Babayev, tuman hokimi – deputat J.Axmedov bugungi tinch va osoyishta hayot, yurtimizda inson qadrini ulug‘lash, ayniqsa, yoshlarga yaratilayotgan imkoniyatlar xususida fikr bildirib, yoshlarni yurt taraqqiyotiga daxldorlik hissi bilan yashashga chaqirdilar. Shuningdek, nuroniylar tomonidan hayot saboqlari, mehnat faoliyati davomida orttirilgan tajribalar va milliy qadriyatlar haqida samimiy suhbatlar qilindi.

🔵Tadbirda ishtirok etgan yoshlar o‘zlarini qiziqtirgan savollarga javob oldilar, nuroniylar va deputatlar bilan ochiq muloqot qilish imkoniga ega bo‘ldilar. Uchrashuv davomida avlodlar o‘rtasidagi o‘zaro hurmat va mehr-oqibat muhitini yanada mustahkamlashga xizmat qiluvchi fikr va takliflar bildirildi.

🔵Tadbir ko‘tarinki kayfiyat va samimiy muhitda o‘tib, ishtirokchilarda unutilmas taassurot qoldirdi.