O‘rganish davomida mahalla yettiligi faoliyati atroflicha tahlil qilinib, hududda olib borilayotgan ishlarning holati, mavjud muammolar hamda ularning yechimlari muhokama etildi.

⏺Shuningdek, deputatlar faoliyatining eng muhim 24 ta ustuvor yo‘nalishlari yuzasidan amalga oshirilayotgan ishlar o‘rganilib, ularning samaradorligini oshirish, aholining muammolarini tizimli ravishda hal etish, hududlarni kompleks rivojlantirish masalalariga alohida e’tibor qaratildi.

⏺Tashrif doirasida mahalladagi investitsiya dasturiga kiritilgan 210 o‘rinli 5-maktab qurilish obyekti ham ko‘zdan kechirildi. Qurilish jarayonining borishi, belgilangan muddatlarga rioya etilishi, ishlar sifati hamda foydalanilayotgan materiallar yuzasidan deputatlik nazorat-tahlil tadbiri olib borildi. Mutasaddi tashkilotlarga aniqlangan kamchiliklarni bartaraf etish bo‘yicha tegishli tavsiyalar berildi.

⏺Mazkur o‘rganishlar hududlarda olib borilayotgan islohotlar samaradorligini oshirish, aholi uchun munosib shart-sharoitlar yaratish, ijtimoiy infratuzilmani rivojlantirish hamda fuqarolarning turmush darajasini yaxshilashga xizmat qiladi.