#Doimiy_komissiya_faoliyati 

 Navbatdagi sessiya muhokamasiga kiritilgan masala Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiya tomonidan joyiga chiqqan holda o‘rganildi.

Tuman ichki ishlar bo‘limi binosida 2026-yilning I choragi davomida tumanda huquqbuzarliklarning oldini olish, jinoyatchilikka qarshi kurashish hamda profilaktika tadbirlari samaradorligi yuzasidan amalga oshirilgan ishlar atroflicha tahlil qilindi.

O‘rganish jarayonida hududlarda kriminogen vaziyat, profilaktik tadbirlarning natijadorligi, aholi murojaatlari bilan ishlash holati hamda huquqbuzarliklarning barvaqt oldini olish borasida olib borilgan chora-tadbirlar muhokama qilindi. 

Aniqlangan masalalar yuzasidan tegishli taklif va tavsiyalar ishlab chiqilib, navbatdagi sessiya muhokamasiga kiritish belgilandi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)