Amaliy o‘rganish: Mahalladagi o‘zgarishlar e’tibor markazida

Kecha Xalq deputatlari Termiz tuman Kengashi raisi S.Nazarov, kotibiyat mudiri A.Avliyakulov hamda deputat R.Shamanov "Mustaqillik" mahallasida bo‘lib, aholi xonadonlarini ko‘zdan kechirishdi.

O‘rganish davomida:

Hokim yordamchisi ko‘magi: Kambag‘allikni qisqartirish borasida amalga oshirilayotgan ishlar, ayniqsa, ajratilgan imtiyozli kreditlar hisobiga tashkil etilgan issiqxonalar faoliyati tahlil qilindi.

Dastlabki hosil: Tadbirkorlikni boshlagan xonadonlarda yetishtirilgan ilk hosil pishib yetilib, allaqachon bozorga chiqarila boshlagani alohida e’tirof etildi.

Shuningdek deputatlar hududdagi fuqarolar bilan yuzma-yuz muloqot qilib, ularning murojaat va muammolarini tingladilar.

Ishlar samaradorligi va xonadonlardagi daromad manbalari joyida o‘rganilib, kelgusidagi vazifalar belgilab olindi.