Termiz tumanida “Yo‘l xaritalari” ijrosi va ijtimoiy ob’ektlardagi qurilish ishlari ko‘zdan kechirildi

Xalq deputatlari Termiz tuman Kengashi kotibiyat mudiri A.Avliyakulov hamda deputat O‘.Omonov ishtirokida hududdagi ijtimoiy-iqtisodiy islohotlarning borishi yuzasidan manzilli o‘rganishlar o‘tkazildi.

O‘rganish davomida asosiy e’tibor O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari hamda oliy darajadagi tashriflar doirasida qabul qilingan “yo‘l xaritalari”da belgilangan vazifalarning ijrosiga qaratildi.

Asosiy manzillar va amalga oshirilgan ishlar:

Termiz tumani, “Yangiobod” mahalla fuqarolar yig‘ini hududi.

Ob’ekt: 34-sonli umumta’lim maktabini rekonstruksiya qilish loyihasi.

Loyiha hajmi: Maktab hududida zamonaviy andozadagi 12x24 o‘lchamli sport zali hamda 50 o‘rinli oshxona binosini qurish ishlari.

O‘rganish natijalari shuni ko‘rsatdiki, ayni paytda qurilish ishlari belgilangan reja asosida jadallik bilan olib borilmoqda. Jarayon bilan yaqindan tanishgan mutasaddilar ish sifatining yuqoriligi va loyihani yakunlashda hozircha hech qanday muammoli masalalar mavjud emasligini ta’kidladilar.

Ushbu loyihaning bitkazilishi natijasida hududdagi yoshlarning sport bilan shug‘ullanishlari va o‘quvchilarning sifatli ovqatlanishlari uchun munosib sharoitlar yaratiladi. Bu kabi o‘rganishlar tuman Kengashi tomonidan doimiy nazoratga olingan.