O‘zbekiston Respublikasi Prezidentining PQ-406-sonli qarori hamda Senat Kengashining KQ-35-V-son qarori ijrosini ta’minlash, shuningdek mahalliy Kengash deputatlari faoliyatining ustuvor yo‘nalishlari bo‘yicha belgilangan tavsiyalar asosida joylarda o‘rganish ishlari olib borilmoqda.

Xususan, 25-Orolbo‘yi saylov okrugi deputati M.Abduraxmonovaning navbatdagi o‘rganishi shahar Kengashi kotibiyati mudiri A.Ermatov hamda Orolbo‘yi MFY raisi hamrohligida tashkil etildi.

O‘rganish jarayonida tadbirkorlik faoliyati bilan shug‘ullanayotgan fuqaroning murojaati joyiga chiqib ko‘rib chiqildi. 

Murojaatda savdo do‘koni oldidan o‘tuvchi yuqori kuchlanishdagi elektr simlariga daraxt shoxlari tegib, xavfli vaziyat yuzaga kelayotgani va bu holat turli noxush oqibatlarga olib kelishi mumkinligi ta’kidlangan.

Mazkur muammo shahar elektr tarmoqlari korxonasi mutaxassislari ishtirokida atroflicha o‘rganilib, xavfsizlikni ta’minlash hamda mavjud holatni bartaraf etish bo‘yicha zarur choralarni ko‘rish yuzasidan tegishli tashkilotlar bilan hamkorlikda ish olib borilishi belgilandi. Tegishli ruxsatnomalar olingach, muammoni qisqa muddatlarda bartaraf etish yuzasidan kelishib olindi.