O‘zbekiston Respublikasi Prezidentining 2025-yil 27-dekabrdagi “2026 - 2028 yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli Qarori ijrosi doirasida Amudaryo tumani “Z.M.Bobur” nomli ovul fuqarolar yig‘inida joylashgan 26-sonli MTT binosini rekonstruksiya qilish ishlari ustidan deputatlik nazorati olib borildi.

Mazkur jarayon O‘zbekiston Ekologik partiyasidan saylangan Xalq deputatlari Amudaryo tuman Kengashi deputati G.Rayimova tomonidan amalga oshirildi. Nazorat tadbiri davomida qurilish-ta’mirlash ishlarining borishi, loyiha hujjatlariga muvofiqligi, ajratilgan mablag‘larning maqsadli sarflanishi hamda ishlarning sifat darajasi o‘rganildi.

O'rganish yakunida deputat tomonidan ushbu obyekt bo‘yicha nazorat ishlari izchil davom ettirilishi takidlandi.