Xalq deputatlari Guliston shahar Kengashi deputati Dilorom Xolmatova Ulug‘ yo‘l va Nihol mahallalari fuqarolari bilan uchrashuv o‘tkazdi. Ochiq muloqot tarzida o‘tgan uchrashuv davomida deputat tomonidan 2025-yilda amalga oshirilgan ishlar, o‘rganilgan muammolarni hal etish yuzasidan mas`ul tashkilotlarga yuborilgan deputatlik so‘rovlari va ularning ijro holati haqida batafsil ma`lumotlar berildi. 

Shuningdek, shahar Kengashi tomonidan o‘tkazilgan sessiyalar, qabul qilingan qarorlar, fuqarolar murojaatlari bilan ishlash hamda hududlarda olib borilgan bunyodkorlik va obodonlashtirish ishlari yuzasidan batafsil ma’lumot berildi.

2026-yil uchun belgilangan ustuvor vazifalar, xususan, aholi bandligini ta’minlash, daromadlarni oshirish, infratuzilmani yaxshilash va ijtimoiy himoyani kuchaytirish masalalari atroflicha muhokama qilindi.

Uchrashuv ochiq va samimiy ruhda o‘tib, fuqarolar tomonidan ko‘tarilgan muammolar va takliflar yuzasidan aniq vazifalar belgilab olindi.