“Arpapoya” mahalla fuqarolar yig‘ini mahalla yettiligi a’zolarining faoliyatini o‘rganish jarayonida O‘zbekiston Respublikasi Oliy Majlisi Senati Kengashining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli qarorida hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etish bo‘yicha hamkorlik yo‘nalishlarining mazmun mohiyati hamda "mahalla yettiligi" – Kengash – Senat" uch bo'g'inli hamkorligi, muammoli masalalarni sessiyada muhokama qilish, respublika darajasidagi muammolarni Senatga taqdim etish mexanizmlari haqida tushuntirishlar berildi. Shuningdek mahalla hududini rivojlantirish aholi muammolarini samarali hal etish, ijtimoiy-ma'naviy muhit barqarorligini ta’minlash va madaniy-ma'rifiy tadbirlarni amalga oshirish borasida mahalla yettiligi a’zolari hokim yordamchisi, yoshlar yetakchisi va profilaktika inspektorining 2026-yilda amalga oshirishi belgilangan “Yo‘l xaritalari” bilan tanishdi. Aholi bilan o‘tkazilgan muloqot jarayonida mahallaning infratuzilmasini yaxshilash yuzasidan tushgan murojaatlar yuzasidan tegishli tashkilotlarga deputatlik so'rovlari yuborilishi belgilab olindi.