Navbatdagi o‘rganish ishlari Nurafshon MFY hududida tashkil etildi. Dastlab deputatlar Bobodehqon ko‘chasida joylashgan 300 ta xonadon tomorqasini sug‘orishga mo‘ljallangan ariqni betonlash ishlari bilan tanishdilar. Mazkur loyiha aholi tomorqalarini suv bilan ta’minlashni yaxshilash, suv yo‘qotilishining oldini olish hamda hudud obodonligini ta’minlashga xizmat qiladi.

Shundan so‘ng Bobodehqon ko‘chasining 500 metr qismini asfaltlashtirish yuzasidan fuqarolar tomonidan bildirilgan murojaat manzilli o‘rganildi. Aholi bilan ochiq muloqot o‘tkazilib, mavjud muammolar, yo‘l infratuzilmasini yaxshilash zarurati va kelgusidagi rejalar muhokama qilindi.