❄️ Qishning sovuq kunlarida issiqlik nazoratda 

Kuz-qish mavsumini betalafot o‘tkazish va ta’lim muassasalarida issiqlik
meyorini saqlash muhim masalalardan biridir. 

22-Guliston saylov okrugi deputati R.Muxtorova hududdagi 3-sonli umumiy
o‘rta ta’lim maktabida bo‘lib, muassasaning isitish tizimi holatini ko‘zdan
kechirdi. 

O‘rganish davomida quyidagilarga e’tibor qaratildi: 

Isitish qozonlarining sozligi: Tizimning to‘liq quvvat bilan ishlayotgani
tekshirildi. 

Sinfxonalardagi harorat: O‘quvchilarning sifatli ta’lim olishi uchun
xonalardagi issiqlik darajasi meyorlarga muvofiqligi ko‘rildi. 

Energiya tejamkorligi: Issiqlik yo‘qotilishining oldini olish bo‘yicha ko‘rilgan
choralar tahlil qilindi. 

"Maktab — bolalarimizning ikkinchi uyi. U yerda har bir o‘quvchi
o‘zini qulay va issiq his qilishi kerak. Bu boradagi kamchiliklarni o‘z vaqtida
bartaraf etish doimiy nazoratimizda," — deydi deputat R.Muxtorova.