Joriy yilning 10-iyul kuni Pastdarg’om tumanida joylashgan Beka Charos korxonasi binosida xalq deputatlari viloyat Kengashi deputatlari I. Bobokulova, G.Quchqorova, Z. Ishmurodova, A. Surmonov va G.Mustafoyevalar o’z saylovchilari oldida axborot berdilar.

Ushbu tadbirda deputatlar o’z axborotlaini bergach aholining muammolarini o'rgandilar. 

Bundan tashqari deputatlar tomonidan hozirgi kunda olib borilayotgan islohotlat va qonunchilikdagi o’zgartirishlar yuzasidan fikr mulohazalar bildirildi.

Tadbirda Pastdarg’om hududida joylashgan Beruniy oilaviy poliklinikasi binosining juda achinarli holatga kelib qolganligi to’g’risida muammosi ko’tarildi. Bir oy mobaynida 150 nafar yosh bolalarni ko’rikdan o’tkazadigan bino xavfli ahvoldaligi fuqarolarni tashvishga solayotganligi va bu masala yuzasidan deputatlardan amaliy yordam ko’rsatish so’raldi. 

Bu masala bir necha bor ko’tarilishiga qaramasdan o’zgarishsiz qolayotganligi ochig’i tibbiyot sohasidagi mas’ullarning befarqligidan degan fikr barchani o’ylantirib qo’ydi.