Viloyat hokimi tomonidan belgilangan topshiriqqa asosan, ta’mirlanayotgan va mahallalardagi maktablarda dual ta’lim tizimini joriy etish, ya’ni o‘quvchilarni kasbga yo‘naltirish hamda tikuvchilik, duradgorlik, sartaroshlik kabi amaliy hunarlarga o‘rgatish xonalari tashkil etilishi ko‘zda tutilgan.

💠 Mazkur topshiriq ijrosini ta’minlash maqsadida 8-Taraqqiyot saylov okrugi deputati, kotibiyati mudiri Xusnara Berdiyarova “Olmazor” mahallasida joylashgan umumta’lim maktabida bo‘lib, amaliy o‘rganishlar olib bordi.

💠 Tashrif davomida maktab rahbariyati bilan hamkorlikda kelgusida o‘quvchilarni kasb-hunarga yo‘naltirish xonalarini jihozlash va dual ta’lim tizimini yo‘lga qo‘yish masalalari muhokama qilinib, zarur kelishuvlarga erishildi.