O'zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-sonli qarorlarida belgilangan vazifalarni ijrosini ta’minlash maqsadida Bekobod shahrida “Tashabbusli byudjet”ning 2025-yil 1-mavsumida 1 ta xarid va 11 ta qurilish-ta’mirlash ishlari, jami 12 ta loyiha g‘olib deb topilgan. Xalq deputatlari Bekobod shahar kengashining deputatlari X.Ibragimova, U.Abdunazarov tomonidan loyiha doirasida g‘olib deb topilgan bir qator ijtimoiy soha obyektlarida olib borilayotgan ishlar bilan tanishdilar. Jumladan, 9 va 11-son MTT, “Yoshlik” sport majmuasi va “Yoshlar markazi”da amalga oshirilayotgan ishlar o‘rganildi. O‘rganish jarayonida shahar Iqtisodiyot va moliya bo‘limi tomonidan kerakli mablag‘lar “Buyurtmachi” tashkilotga to‘liq o‘tkazib berilganligi, “Bajaruvchi” tashkilotlar bilan amaldagi tartib asosida loyiha-smeta hujjatlari tayyorlanganligi hamda ishlar olib borilayotganligi ko‘zdan kechirildi. Qurilish-ta’mirlash ishlari jarayonida Tashabbuskor tomonidan, shuningdek, jamoatchilik nazoratini olib borish qurilish-ta’mirlash ishlarini tez va sifatli bajarilishini ta’minlanishi,
loyiha hujjatlari tayyorlanayotgan vaqtda har bir bajariladigan ish aniq belgilanib olinishi yana bir bora tushuntirildi.