Bir necha yillardan buyon mamlakatimizda 30 iyun — Yoshlar kuni sifatida keng nishonlanib kelinmoqda. Ushbu sana munosabati bilan Prezidentimiz Shavkat Mirziyoyev yoshlar bilan uchrashadi. O‘zbekiston yoshlarini ushbu qutlug‘ ayyom bilan tabriklab, ularga mehri va ishonchini bildiradi. Bu yil ham shunday bo‘ldi. Davlatimiz rahbari yoshlar bilan uchrashib, fikrlashdi.

Prezidentimiz yoshlar bilan o‘tkazilgan uchrashuvda yoshlarning har bir yutug‘i — butun xalqimizning yutug‘idir. Ularning azmu shijoati, sog‘lom dunyoqarashi, baxtu iqboli — millionlab ota-onalar, ustoz-murabbiylar, yaqinlarning ham baxtu saodatidir.
Tarixiy uchrashuvda davlatimiz rahbari yoshlarga imkoniyatlarni kengaytirishga qaratilgan muhim tashabbuslarni ham ilgari surdi, bularning barchasi mamlakatimiz oltin fondi — o‘g‘il-qizlarimiz baxti va porloq kelajagi yo‘lida xizmat qiladi.

Xalq deputatlari tuman Kengashi deputati X.Tajimuratov