Xalq deputatlari tuman Kengashi raisi Sh.Eshbayev, deputat N.Turdiyev va K.Xakimovalar tomonidan Ko‘rkam diyor mahallasi Gulchambar qishlog‘ida fuqarolar murojaati asosida hududdagi mavjud muammolar o‘rganildi.

O‘rganish davomida qishloq ichki ko‘chalarida tungi yoritish chiroqlari mavjud emasligi aniqlandi. Mazkur holat, ayniqsa, kechki vaqtlarda aholining erkin va xavfsiz harakatlanishida qator noqulayliklarni yuzaga keltirayotgani qayd etildi.

Fuqarolar murojaatini inobatga olgan holda, Gulchambar qishlog‘ining ichki ko‘chalarini tungi yoritish tizimi bilan ta’minlash masalasini tegishli tashkilotlar bilan hamkorlikda hal etish bo‘yicha amaliy choralar ko‘rish zarurligi belgilandi. Mazkur masala deputatlar tomonidan nazoratga olindi.