Xalq deputatlari Parkent tumani Kengashiga 7-“Xisorak” saylov okrugidan saylangan deputat Mannonov Abduzarif Abduraufovich tomonidan jamoatchilik nazorati doirasida saylov okrugida faoliyat yuritayotgan
“Vertex tekstil” ishlab chiqarish korxonasi faoliyati o‘rganildi.O‘rganish davomida korxonada ishchi-xodimlar uchun yaratilgan mehnat sharoitlari, xodimlarning mehnat faoliyati, ish haqlarining o‘z vaqtida to‘lanishi hamda mavjud ish o‘rinlari holati bilan tanishildi.Shuningdek, korxonada mehnat qilayotgan xotin-qizlar bilan suhbatlashilib,ularning fikr va takliflari tinglandi.Korxonaning ishlab chiqarish jarayonlari, mavjud quvvatlardan foydalanish samaradorligi, investitsion faoliyati, yangi ish o‘rinlari yaratish hamda mahsulotlarni eksport qilish holati ham tahlil qilindi.Ma’lum qilinishicha, “Vertex tekstil” korxonasi o‘z faoliyatini 2021-yilda boshlagan bo‘lib, jami 180 nafar ishchini ish bilan ta’minlash imkoniyatiga ega. Ayni paytda korxonada 150 nafar ishchi faoliyat yuritmoqda. Shu bilan birga, korxonada yana 30 ta bo‘sh ish o‘rni mavjud.Korxona tomonidan ishlab chiqarilayotgan mahsulotlarning asosiy qismi eksportga yo‘naltirilgan bo‘lib, hozirgi vaqtda asosiy eksport bozori Rossiya Federatsiyasi hisoblanadi.O‘rganish jarayonida korxonaning mavjud ishlab
chiqarish imkoniyatlaridan samarali foydalanish, mavjud bo‘sh ish o‘rinlarini to‘ldirish, yangi ish o‘rinlarini yaratish, ishlab chiqarish va eksport hajmini oshirish masalalariga alohida e’tibor qaratildi.Ayniqsa, korxona faoliyatining xotin-qizlarni iqtisodiy faoliyatga keng jalb etish, ularni doimiy ish bilan ta’minlash va barqaror daromad manbaiga ega bo‘lishida muhim o‘rin tutayotgani qayd etildi.Shuningdek, o‘rganish yakunida korxona mas’ullari bilan ishlab chiqarish samaradorligini oshirish, eksport bozorlarini kengaytirish, mavjud imkoniyatlardan to‘liq foydalanish hamda davlat tomonidan yaratilgan qo‘llab-quvvatlash choralaridan samarali foydalanish masalalari muhokama qilindi.Aniqlangan masalalar deputatlik nazoratiga olinib,korxonaning investitsion faoliyati, yangi ish o‘rinlari yaratish imkoniyatlari hamda ishlab chiqarish salohiyatini oshirish bo‘yicha amalga oshirilayotgan ishlarni monitoring qilish davom ettiriladi.Xalq deputatlari Parkent tumani Kengashi tomonidan hududlarda tadbirkorlik va investitsiya faoliyatini rivojlantirish,aholi bandligini ta’minlash hamda yangi ish o‘rinlari yaratish masalalari yuzasidan jamoatchilik nazorati izchil davom ettiriladi.