❗️ Xalq deputatlari Yashnobod tumani Kengashi deputati A.E.Sharipov «Qalqon» mahallasida joylashgan «Isko» MChJ qandolat fabrikasida bo‘lib, korxona faoliyati, yoshlar bandligini ta’minlash ishlari hamda xodimlar uchun yaratilgan mehnat sharoitlari bilan tanishdi.

📉 O‘rganish davomida korxonada «Aholi bandligi to‘g‘risida»gi Qonun talablarining ijrosi, yoshlarni doimiy ish bilan ta’minlash, mehnat munosabatlarini qonuniy tashkil etish hamda xavfsiz mehnat sharoitlarini yaratish masalalari ko‘zdan kechirildi.

📝 Deputat korxona rahbariyati bilan muloqot qilib, mahalla yoshlarini ish bilan ta’minlash va munosib mehnat sharoitlarini yaratish borasida amalga oshirilayotgan ishlar yuzasidan fikr almashdi.

🔰 Ta’kidlanganidek, «Isko» MChJ tomonidan yangi ish o‘rinlarini yaratish, mahalla aholisini, xususan yoshlarni bandlikka jalb etish bo‘yicha olib borilayotgan ishlar qonun talablarini amaliy ta’minlashga xizmat qilmoqda.