Nurafshon shahridagi umumiy o‘rta ta’lim maktablarida “Yuksak ma’rifatli avlod – Uchinchi Renessans poydevori” shiori ostida o‘tkazilgan “So‘nggi qo‘ng‘iroq” tadbirlari bo'lib o'tdi.

✅ Tadbirlarda sektor rahbarlari, hokim o‘rinbosarlari, korxona, tashkilot va muassasalar rahbarlari, shuningdek, xalq deputatlari ishtirok etib, o‘quvchi-yoshlarni samimiy tabrikladilar. Ular tomonidan O‘zbekiston Respublikasi Prezidenti nomidan yo‘llangan tabrik o‘qib eshittirildi. Unda yosh avlodga yaratilayotgan keng imkoniyatlar, ta’lim sohasidagi islohotlar hamda kelajak bunyodkorlari sifatida bitiruvchilarning mas’uliyati alohida ta’kidlab o‘tildi.

Shuningdek, tadbirlarda o‘qituvchilarning mashaqqatli mehnati, ota-onalarning farzand tarbiyasidagi o‘rni va bitiruvchilarning erishgan yutuqlari e’tirof etilib, ularga kelgusi hayot yo‘lida ulkan muvaffaqiyatlar tilandi. “So‘nggi qo‘ng‘iroq” sadolari esa o‘quvchilar uchun yangi hayot sari ilk mustaqil qadamning ramzi sifatida yangradi