Navruz umumxalq bayrami munosabati bilan Abdulla Avloniy nomidagi Pedagogik mahorat Milliy Institutida tashkil etilgan Navro‘z saylida Xalq deputatlari Olmazor tuman Kengashi deputatlari A.Ismailov, D.Raxmatullayev hamda Kotibiyat bosh mutaxassisi U.Shopotixovlar ishtirok etdilar.

Bayram tadbiri davomida milliy qadriyatlarimizni aks ettiruvchi sahna ko‘rinishlari, an’anaviy taomlar ko‘rgazmasi hamda talaba-yoshlar tomonidan tayyorlangan madaniy chiqishlar namoyish etildi. Tadbir ishtirokchilari tomonidan Navro‘z bayramining ma’naviy ahamiyati, xalqimiz hayotidagi o‘rni va yoshlar tarbiyasidagi roli alohida e’tirof etildi.

Shuningdek, tuman deputatlari institut jamoasini kirib kelayotgan bahor ayyomi bilan samimiy tabriklab, ularga kelgusidagi faoliyatlarida muvaffaqiyatlar tiladilar. Tadbir ko‘tarinki ruhda, milliy urf-odatlarimizga xos tarzda tashkil etildi.