#_deputat_faoliyati
#_162_ta_qonun
#_24_ta_masala
#_kotibiyat_xodimi_faoliyati
#_Kengash_ish_rejasining_ijrosi
#_Yoshlar_maslahat_guruhining_faoliyati
Mahalla raisining faoliyati deputatlik nazorati asosida o‘rganildi

Xalq deputatlari Sariosiyo tumani Kengashining “20-So‘fiyon” saylov okrugidan saylangan deputati T.Mirzayev, Yoshlar maslahat guruhi rahbari D.Sattorov hamda tuman Kengashi kotibiyati bosh mutaxassisi A.Nasriddinov tomonidan “Shirin” mahallasida mahalla raisining faoliyati o‘rganildi.
O‘rganish jarayonida mahalla raisining zimmasiga yuklatilgan vazifalarni bajarishi, fuqarolar bilan ishlash, aholi murojaatlarini ko‘rib chiqish, hududdagi ijtimoiy-iqtisodiy masalalarni hal etish hamda mahallada mavjud muammolarni aniqlash va bartaraf etish borasidagi faoliyatiga alohida e’tibor qaratildi.

Mazkur o‘rganish O‘zbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi PF–116-sonli Farmon hamda Oliy Majlisi Senati Kengashining 2026-yil 22-iyundagi KQ–360-V-sonli qarorlarini maxsus savolnoma asosida o'rganildi. Xususan, mahalla raisining vakolatlari, fuqarolar yig‘ini faoliyatini tashkil etish, aholi bilan muloqot qilish, ijtimoiy himoyaga muhtoj fuqarolarni qo‘llab-quvvatlash, hudud obodonligi va jamoatchilik nazoratini ta’minlash yo‘nalishlaridagi ishlar savolnoma asosida tahlil qilindi.
Shuningdek, mahallada fuqarolar murojaatlari bilan ishlash holati, murojaatlarda ko‘tarilgan masalalarning hal etilishi, hujjatlarning yuritilishi hamda mahalla raisining tegishli tashkilotlar bilan hamkorlikdagi faoliyati o‘rganib chiqildi.

O‘rganish davomida mahalla hududidagi ijtimoiy muammolar, aholining ehtiyojlari va ularni hal etish bo‘yicha amalga oshirilayotgan ishlar yuzasidan mas’ullar bilan fikr almashildi.
Aniqlangan holatlar yuzasidan tegishli tavsiya va takliflar berilib, mahalla raisi faoliyatini qonunchilik talablariga muvofiq tashkil etish, aholi bilan ishlash samaradorligini oshirish hamda fuqarolar murojaatlariga o‘z vaqtida va manzilli yechim topish bo‘yicha vazifalar belgilab olindi.

Deputat mahalla aholi bilan davlat o‘rtasidagi eng muhim bo‘g‘in ekanini ta’kidlab, mahalla faoliyatining qonuniyligi, ochiqligi va samaradorligini ta’minlash deputatlik nazoratining muhim yo‘nalishlaridan biri ekanini qayd etdi.