Deputat óz saylaw okrugindegi sawda dúkanlarınıń jumısın úyrendi

♻️ Xalıq deputatları Shımbay rayonlıq Keńesi 25-sanlı “Qanlı jap” saylaw okrugi ÓzLIDEP partiyası deputatı T.Palvaniyazova óz saylaw okruginde jaylasqan sawda dúkanlarınıń jumısın úyreniw maqsetinde aymaqta boldı.

Úyreniw dawamında dúkanlarda xalıqqa kórsetilip atırǵan xızmetlerdiń sapası, azıq-awqat ónimleriniń bahaları hám assortimenti, sanitariyalıq-gigienalıq talaplarǵa ámel etiliwi, tutınıwshılar ushın jaratılǵan sharayatlar hám sawda mádeniyatına ayrıqsha itibar qaratıldı.

Sonday-aq, isbilermenler menen sóylesip, olardıń jumısı dawamında ushırasıp atırǵan mashqalalar hám usınısları tıńlandı. Anıqlanǵan ayırım kemshiliklerdi saplastırıw hám xalıqqa sapalı xızmet kórsetiwdi bunnan bılay da jaqsılaw boyınsha tiyisli usınıslar berildi.

Bul úyreniwler deputatlıq qadaǵalaw sheńberinde dawam ettirilip, isbilermenlikti qollap-quwatlaw hám tutınıwshılardıń máplerin qorǵawǵa qaratılǵan jumıslar izbe-iz alıp barılatuǵını atap ótildi.