Janubiy mahallasida hokim yordamchisining ish faoliyati o‘rganildi

Xalq deputatlari Navoiy shahar Kengashi deputati Xasanova Gulshan Zokirovna, Navoiy shahar Kengashi kotibiyati bosh mutaxassisi Muborak Astanova hamda ishchi guruh a’zolari tomonidan Janubiy mahallasida hokim yordamchisi Norboyeva Umida Muzrafovnaning ish faoliyati o‘rganildi.

O‘rganish jarayonida mahalladagi ijtimoiy-iqtisodiy holat, aholi bandligini ta’minlash, fuqarolar bilan manzilli ishlash hamda mavjud muammolarni bartaraf etish bo‘yicha amalga oshirilayotgan ishlar tahlil qilindi.

Ma’lumotlarga ko‘ra, mahallada jami 2233 nafar aholi, 928 ta oila va 828 ta xonadon mavjud. Shundan 1006 nafari ayollarni tashkil etadi. Mahallaning umumiy yer maydoni 29,1 gektarni tashkil qiladi.

Shuningdek, mahallada 8 nafar ishsiz fuqaro mavjudligi, 6 nafar fuqaroning ish bilan ta’minlanganligi qayd etildi. Profilaktika ishlari doirasida 2 nafar fuqaro probatsiya ro‘yxatiga olinganligi, o‘rganish davrida jinoyatlar va ajrim holatlari qayd etilmagani aniqlandi.

O‘rganish yakunlari bo‘yicha mahallada aholi bandligini oshirish, tadbirkorlik tashabbuslarini qo‘llab-quvvatlash hamda fuqarolar bilan ishlash samaradorligini yanada kuchaytirish yuzasidan tegishli tavsiyalar berildi.