Qumqo‘rg‘on tumanining Xo‘jamulki mahallasida fuqarolarning taklif va tashabbuslari asosida tashabbusli budjet loyihalarining 2026-yil 1-mavsumi doirasida belgilangan ishlar samarali amalga oshirildi.
Mahalla aholisining faol ishtiroki, tashabbuskorligi hamda ovoz berish jarayonidagi faolligi natijasida g‘olib deb topilgan loyiha asosida hududdagi ichki yo‘llarni ta’mirlash ishlari olib borilmoqda. Jumladan, mahalla hududidagi 3,2 kilometrdan ortiq ichki yo‘llarga asfalt qoplamasi yotqizilib, yo‘l infratuzilmasi yaxshilandi.
Tashabbusli budjet loyihalari orqali amalga oshirilayotgan bunday ezgu ishlar hududlar infratuzilmasini yaxshilash, aholi farovonligini oshirish va mahallalarda zamonaviy sharoitlar yaratishga xizmat qiladi.