Xalq deputatlari Pastdarg‘om tuman Kengashi deputati M.Pardayev tomonidan fuqarolar qabuli o‘tkazildi. Qabul davomida aholi tomonidan uy-joy, ijtimoiy qo‘llab-quvvatlash, bandlik, kommunal xizmatlar hamda kundalik hayotda uchrayotgan boshqa masalalar yuzasidan murojaatlar tinglandi.

Har bir murojaat deputat tomonidan atroflicha o‘rganilib, ularni qonuniy va adolatli hal etish yuzasidan tegishli mutasaddilarga topshiriqlar berildi. Ayrim masalalar bo‘yicha fuqarolarga huquqiy tushuntirishlar berilib, qo‘shimcha o‘rganishni talab etadigan murojaatlar nazoratga olindi.

Fuqarolar bilan ochiq muloqot qilish, ularning dardu tashvishlarini eshitish va amaliy ko‘mak ko‘rsatish deputatlik faoliyatining muhim yo‘nalishlaridan biri bo‘lib, bu kabi qabullar aholining muammolarini o‘z vaqtida bartaraf etishga xizmat qiladi.