Huquqbuzarliklar profilaktikasi holati yuzasidan o‘rganish olib borildi

Xalq deputatlari Qiziriq tumani Kengashi raisi J.Xudoyqulova, tuman Kengashi kotibiyati bosh mutaxassisi J.Donayev hamda tuman Kengashi deputati Q.Igamberdiyevalar tuman Kengashining navbatdagi sessiyasi kun tartibiga kiritilgan Qiziriq tumani Ichki ishlar bo‘limi boshlig‘ining huquqbuzarliklarning oldini olish va ularning profilaktikasi holati to‘g‘risidagi hisobotini eshitish masalasi yuzasidan hamda “Ichki ishlar organlari to‘g‘risida”gi O‘zbekiston Respublikasi Qonuni (2016-yil 16-sentabr, O‘RQ–407-son) ijrosini o‘rganish bo‘yicha tayyorlangan savolnoma asosida "Bog‘iston" mahallasiga tashrif buyurdilar.

O‘rganish davomida mahallada huquqbuzarliklarning oldini olish, jinoyatchilik profilaktikasini samarali tashkil etish, profilaktika inspektori hamda mahalla yettiligi hamkorligida amalga oshirilayotgan ishlar, ijtimoiy-ma’naviy muhitni sog‘lomlashtirish va fuqarolar xavfsizligini ta’minlash borasidagi chora-tadbirlar yuzasidan mas’ullar bilan suhbat o‘tkazildi.

Shuningdek, mahalla fuqarolar yig‘ini raisi bilan uchrashuv davomida hududdagi kriminogen vaziyat, mavjud muammolar, ularni bartaraf etish bo‘yicha ko‘rilayotgan choralar hamda ichki ishlar organlari bilan hamkorlikni yanada kuchaytirish masalalari muhokama qilinib, tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram