Xalq deputatlari Bag‘dod tumani Kengashining 5-Cheksaroy saylov okrugi deputati S.Egamnazarova hududiga qarashli Cheksaroy mahalla fuqarolar yig‘inida Kengash kotibiyati mudiri G‘.Abdullayev hamda Xalq demokratik partiyasi tuman Kengashi raisi D.Xamraqulovlar bilan birgalikda ko‘chalarda o‘rganish ishlarini olib bordi.
🔍 O‘rganishlar davomida fuqarolar tomonidan hududdagi mavjud muammolar yuzasidan bir qator murojaatlar bildirildi.
🏫 Navbahor ko‘chasi aholisi nomidan fuqaro S.Asronqulov tomonidan hududda joylashgan 39-son umumiy o‘rta ta’lim maktabi filiali binosi uzoq vaqtdan buyon foydalanilmayotgani hamda qarovsiz holga kelib qolganligi sababli mazkur obyekt o‘rnida davlat maktabgacha ta’lim tashkiloti (davlat bog‘chasi) qurish masalasida murojaat bildirildi.
🛣 Navbahor ko‘chasi aholisi nomidan fuqaro F.Xudoyorov ko‘chaning qariyb 2 kilometr qismini ta’mirlash bo‘yicha murojaat bildirdi.
🤝 Shuningdek, fuqaro G.Xoldarova tomonidan "Sahovat va ko‘mak" jamg‘armasi hisobidan moddiy yordam ajratish yuzasidan murojaat qilindi.
📝 Bildirilgan barcha murojaatlar deputatning "Ko‘chama-ko‘cha yuritish" daftariga belgilangan tartibda qayd etildi.
✅ Mazkur murojaatlar deputat nazoratiga olinib, ularning qonuniy yechimini ta’minlash maqsadida tegishli tashkilot va mutasaddi idoralarga yuborilishi hamda ijrosi yuzasidan tizimli nazorat o‘rnatilishi belgilandi.