Yangi ma’muriy bino qurilishi deputatlik nazoratida.

Xalq deputatlari Kattaqo‘rg‘on shahar Kengashining 4-Abdulxamid Majidiy saylov okrugi deputati N.Xakimov tomonidan Kattaqo‘rg‘on shahrining 2026-yilgi ijtimoiy va ishlab chiqarish infratuzilmasini rivojlantirish dasturi doirasida Majburiy ijro byurosi Kattaqo‘rg‘on shahar bo‘limi uchun barpo etilayotgan yangi ma’muriy bino qurilish ishlari joyiga chiqib o‘rganildi.

Tashrif davomida qurilish-montaj ishlarining borishi, obyektning belgilangan loyiha asosida va tasdiqlangan muddatlarda amalga oshirilishi, qurilish materiallarining sifati hamda ishlar jarayoniga alohida e’tibor qaratildi.

Shuningdek, mas’ul tashkilotlar vakillari bilan uchrashuv o‘tkazilib, qurilish ishlarini sifatli yakunlash, belgilangan muddatlarga rioya etish hamda mehnat va texnika xavfsizligi talablariga qat’iy amal qilish yuzasidan tavsiyalar berildi.

🔹 Qurilish ishlarining borishi joyida o‘rganildi;
🔹 Loyiha va qurilish sifati yuzasidan nazorat olib borildi;
🔹 Ishlarni o‘z vaqtida va sifatli yakunlash bo‘yicha mas’ullar oldiga vazifalar qo‘yildi.

✅ Zamonaviy va qulay ma’muriy binolarni barpo etish davlat xizmatlari samaradorligini oshirish, fuqarolar uchun munosib sharoit yaratish hamda hudud infratuzilmasini yanada rivojlantirishga xizmat qiladi.