Xalq deputatlari shahar Kengashining sakkizinchi sessiyasi o‘tkazildi

Nurafshon shahri hokimligi majlislar zalida xalq deputatlari shahar Kengashining yettinchi chaqiriq sakkizinchi sessiyasi bo‘lib o‘tdi. Unda deputatlar, shahar hokimi I.Klichxanov, prokuratura va ichki ishlar bo‘limi rahbarlari, hokim o‘rinbosarlari, Kengash kotibiyati, korxona va tashkilotlar vakillari ishtirok etdi.

Sessiyada Nurafshon shahar Prokuraturasi va IIB tomonidan 2025-yilning birinchi choragida amalga oshirilgan ishlar yuzasidan hisobotlar tinglandi. Kengashning yangi ish rejasi tasdiqlandi hamda uning huzurida Yoshlar maslahat guruhini tuzish to‘g‘risidagi taklif ma’qullandi.

Shuningdek, mahalliy byudjetning ortiqcha daromad qismi hisobidan yo‘naltiriladigan mablag‘lar taqsimoti ko‘rib chiqilib, tegishli qarorlar qabul qilindi.

Mazkur sessiya doirasida shahar taraqqiyoti va aholining ijtimoiy farovonligini ta’minlashga qaratilgan qator dolzarb masalalar muhokama qilindi.