#Kengash_raisi_faolyati
#Kunlik_ish_reja
#Haftalik_ish_reja
#24_tavsiya

SPORT INFRATUZILMASI HOLATI DEPUTATLIK NAZORATIDA


Xalq deputatlari Angor tumani Kengashi raisi Qo'zimurodov Abdusalom Javliyevich Angor tumani “Markaz” mahallasida deputatlik nazorati doirasida 24_tavsiya asosida o‘rganish olib borildi.Surxondaryo viloyati Kengashi kotibiyati bosh mutaxassisi Sunatullo Uktamov ham ishtirok etdi.

O‘rganish davomida “Markaz” mahallasidagi 6-sonli umumta’lim maktabi hududida “Ochiq budjet” loyihasining 2026-yil 1-mavsumida g‘olib bo‘lgan loyiha asosida barpo etilayotgan sun’iy qoplamali mini-futbol maydonining qurilish jarayoni ko‘zdan kechirildi.Shuningdek, maktab hududida o‘quvchilar va yoshlarning sport bilan muntazam shug‘ullanishlari uchun futbol maydoni atrofida yugurish yo‘lakchasi ham barpo etilayotgani qayd etildi.

Mazkur ishlarning amalga oshirilishi hududda sport infratuzilmasini yanada rivojlantirish, yoshlarning bo‘sh vaqtini mazmunli tashkil etish, ularni sportga keng jalb qilish hamda sog‘lom turmush tarzini targ‘ib etishda muhim ahamiyat kasb etadi.

Deputatlik nazorati doirasidagi bunday o‘rganishlar hududlarda amalga oshirilayotgan loyihalarning sifatli va samarali bajarilishini kuzatish, mavjud muammolarni aniqlash hamda ularni bartaraf etishga ko‘maklashishga qaratilgan.