Xalq deputatlari Marg‘ilon shahar Kengashida "Agrar, suv xo‘jaligi va ekologiya masalalari bo‘yicha" doimiy komissiya faoliyat yuritadi. U tabiat, yer, suv va qishloq xo‘jaligi bilan bog‘liq masalalarni sessiyalardan oldin dastlabki tarzda ko‘rib chiqadi.

🌾 Agrar soha. Dehqon va fermer xo‘jaliklarini rivojlantirish uchun sharoit yaratish hamda ularning sanoat, savdo va umumiy ovqatlanish korxonalari bilan aloqalarini mustahkamlash bo‘yicha takliflar kiritadi.

💧 Suv xo‘jaligi. Suv resurslaridan foydalanish va ularni muhofaza qilish yo‘nalishlarini belgilashda qatnashadi, sel va toshqin oqibatlarini tiklash bo‘yicha takliflar beradi.

🌍 Ekologiya. Atrof-muhitni muhofaza qilish, havo ifloslanishini monitoring qilish va iqlim o‘zgarishiga moslashish dasturlari ijrosi ustidan nazorat qiladi.

♻️ Chiqindilar boshqaruvi. Chiqindilarni olib chiqib ketish qamrovi, qayta ishlash va poligonlarni rekultivatsiya qilish masalalarini o‘rganadi.

🌳 "Yashil makon" va obodonlashtirish. "Yashil makon" umummilliy loyihasi ijrosini qat’iy nazorat qiladi, obodonlashtirish tashabbuslarini kiritadi.

🌱 Yer va tabiiy resurslar. Yerdan oqilona foydalanish, tuproq unumdorligini saqlash hamda tabiiy resurslardan samarali foydalanish ustidan nazorat qiladi.
Mahallangizdagi suv, chiqindi, ko‘kalamzorlashtirish yoki yer bilan bog‘liq muammolarni deputatlarimizga yo‘llang. Toza va yashil Marg‘ilon uchun birgalikda harakat qilamiz!

📄 Manba: O‘zbekiston Respublikasi Oliy Majlisi Senati Kengashining 2024-yil 31-oktabrdagi KQ-846-IV-son qaroriga ilova.