Yunusobod tuman Kengashi deputati M.Murzametovaga «Ahilobod» mahallasida yashovchi fuqarolardan xonadonlarda turli xil hasharotlar paydo bo‘layotgani yuzasidan murojaat kelib tushdi.

📝Murojaat asosida deputat tomonidan mazkur hududdagi holat joyiga chiqib o‘rganildi. O‘rganish davomida xonadon va unga tutash hududlarda sanitariya holati ko‘zdan kechirilib, hasharotlarning tarqalishiga sabab bo‘lishi mumkin bo‘lgan omillar hamda ularni bartaraf etish choralari muhokama qilindi.

✅Aniqlangan holatlar yuzasidan tegishli mutasaddilar bilan hamkorlikda dezinfeksiya va zararkunandalarga qarshi ishlov berish, hududning sanitariya holatini yaxshilash hamda aholiga qulay va xavfsiz yashash sharoitlarini yaratish bo‘yicha zarur choralar ko‘rildi.

📌Mazkur ishlar O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni talablari asosida amalga oshirildi. Qonunda sanitariya-gigiyena va epidemiyaga qarshi tadbirlar, jumladan, dezinfeksiya tadbirlarini amalga oshirish belgilangan.

Shuningdek, fuqarolarning murojaatlarini o‘rganish va ularning qonuniy manfaatlarini ta’minlash “Jismoniy va yuridik shaxslarning murojaatlari to‘g‘risida”gi Qonun asosida deputatlik nazorati doirasida davom ettiriladi.

Yunusobod tuman Kengashi — fuqarolar murojaatlari asosida aniqlangan muammolarni joyida o‘rganish va ularning yechimini ta’minlash bo‘yicha ishlarni davom ettiradi.