🏘 Qo‘shchinor mahallasida kambag‘allikni qisqartirish bo‘yicha ishlar o‘rganildi
Xalq deputatlari Pastdarg‘om tumani Kengashi raisi B.Ochilov boshchiligida tuman Kengashi kotibiyati tomonidan shakllantirilgan oilalar ro‘yxati asosida Ishchi guruh a’zolari bilan birgalikda Qo‘shchinor mahallasida kambag‘allikni qisqartirish borasida amalga oshirilayotgan ishlar o‘rganildi.
🔎 O‘rganish davomida oilalarning ijtimoiy-iqtisodiy holati, fuqarolarni kambag‘allikdan chiqarish, ularni daromadli mehnat bilan bandligini ta’minlash, doimiy va mavsumiy ish o‘rinlariga yo‘naltirish masalalariga alohida e’tibor qaratildi.
🤝 Shuningdek, aholining tibbiy, ta’lim, ijtimoiy va boshqa xizmatlarga bo‘lgan ehtiyojlari o‘rganilib, mavjud muammolarni aniqlash va ularni tegishli tashkilotlar bilan hamkorlikda hal etish bo‘yicha vazifalar belgilandi.
📋 O‘rganish davomida aniqlangan muammolar va fuqarolarning murojaatlari qayd etilib, ularni hal etish bo‘yicha amaliy choralar ko‘rish hamda ijrosini nazoratga olish belgilandi.
🎯 Asosiy maqsad — har bir oilaning muammosini manzilli o‘rganish, fuqarolarni kambag‘allikdan chiqarish, barqaror daromad manbalarini yaratish va aholining turmush sharoitini yaxshilashdan iborat.