Deputatlik so‘roviga asosan muammo o‘z yechimini topmoqda

Xalq deputatlari Termiz tuman Kengashi deputatining 2026-yil 10-sentyabrdagi №101-ds-409-26-sonli deputatlik so‘rovi asosida Termiz mahallasidagi aholi yashash hududlarining sanitariya-obodonlashtirish holati o‘rganildi.

O‘rganish davomida ayrim hududlarda maishiy chiqindilar to‘planib qolganligi va ularni o‘z vaqtida olib chiqish masalasida muammolar mavjudligi aniqlandi.

Mazkur masala yuzasidan tegishli tashkilotlar bilan hamkorlikda muammoni bartaraf etish choralari ko‘rildi. BIO TEXNO EKO MChJ Termiz tuman bo‘limi bilan kelishilgan holda, hududlarda to‘planib qolgan maishiy chiqindilarni maxsus texnikalar yordamida o‘z vaqtida olib chiqib ketish ta’minlanishi belgilandi.

Shuningdek, hududning sanitariya-obodonlashtirish holatini yaxshilash va chiqindilarni muntazam olib chiqib ketish masalasi deputatlik nazoratiga olindi.

Fuqarolarning murojaatlari joyida o‘rganilib, ularning yechimi yuzasidan tegishli tashkilotlarga aniq vazifalar belgilanishi davom ettiriladi.