Qo‘shtut mahallasida aholi bilan sayyor qabul o‘tkazildi

Xalq deputatlari Olmazor tuman Kengashi 26-Farobiy saylov okrugi deputati N. Kamalova hamda Kengash kotibiyati bosh mutaxassisi U. Shopotixov ishtirokida Qo‘shtut mahalla fuqarolar yig‘inida aholi bilan ochiq muloqot shaklidagi sayyor qabul tashkil etildi.

🤝 Sayyor qabul davomida mahalla aholisi tomonidan bildirilgan murojaat, taklif va muammolar tinglanib, har bir masalaga alohida e’tibor qaratildi. Fuqarolarni qiynayotgan masalalarni joyida o‘rganish, ularning qonuniy yechimini topish hamda tegishli tashkilotlar bilan hamkorlikda amaliy choralar ko‘rish yuzasidan fikr almashildi.

📌 Shuningdek, murojaatlarni belgilangan tartibda ko‘rib chiqish, mas’ul tashkilotlarga yo‘naltirish va ijrosi bo‘yicha deputatlik nazoratini olib borish muhim vazifa sifatida belgilandi.

🗣 Aholi bilan bevosita muloqot — muammolarni joyida aniqlash va ularni hal etishning muhim vositasidir. Bunday sayyor qabullar orqali fuqarolarning murojaatlari o‘rganilib, mahalladagi dolzarb masalalarga amaliy yechim topishga alohida e’tibor qaratilmoqda.

🌿 Asosiy maqsad — fuqarolarning murojaatlarini e’tiborsiz qoldirmaslik, muammolarni o‘z vaqtida o‘rganish va ularning ijobiy yechimini ta’minlash orqali aholi roziligiga erishish.