Olmazor tumanining “Ahil” MFY hududidagi Orif Xatamov ko‘chasida yo‘l infratuzilmasini yaxshilash, ichki yo‘llarning holatini yaxshilash hamda aholi uchun qulay va xavfsiz harakatlanish sharoitlarini yaratish maqsadida asfaltlash va ta’mirlash ishlari olib borilmoqda.

➡️ Xususan, xalq deputatlari Olmazor tumani Kengashining 10-“Ahil” saylov okrugi deputati Abdujalil Xasanov tomonidan mazkur hududdagi yo‘l-ta’mirlash ishlari joyiga chiqqan holda o‘rganilib, ishlarning borishi ustidan deputatlik nazorati olib borilmoqda.

🔹 Ta’mirlash ishlari doirasida ko‘chaning nosoz va ta’mirtalab qismlari tekislanib, yangi asfalt qoplamasi yotqizilmoqda.

🔹 Ishlarning tungi vaqtda ham jadal davom ettirilishi transport harakatiga imkon qadar kamroq noqulaylik tug‘dirishga xizmat qilmoqda.

🔹 Mazkur ishlar yakunlangach, hudud aholisi va haydovchilari uchun yanada qulay, xavfsiz hamda sifatli harakatlanish sharoitlari yaratilishi ko‘zda tutilgan.

📌 Aholi murojaatlari va hududdagi mavjud muammolarni o‘rganish, ularni amaliy hal etish hamda amalga oshirilayotgan ishlarning sifat va samaradorligini nazorat qilish deputatlik faoliyatining muhim yo‘nalishlaridan biridir.

Obodonlashtirish, yo‘l infratuzilmasini yaxshilash va aholi uchun munosib shart-sharoitlar yaratishga qaratilgan ishlar belgilangan reja asosida izchil davom ettiriladi.